Berreskuratutako altzarien salmenta
Gutxien espero duzunean eta gutxien espero duzun lekuan aurki daiteke xarma berezia duen altzaria.
Ez diogu itxurari erreparatzen, berezi egiten duen horri baizik. Poliki eta arretaz egiten dugu lan, are bereziagoa izan dadin.
Dekoratutako piezen salmenta
Dendaz denda ibili ondoren ez baduzu ezer egokirik aurkitu, edota ezohiko oparia baldin baduzu buruan…, etorri gurera.
Gainera, egurrezko altzari lagungarriak eta bestelako osagarriak ere baditugu zure nahi, gustu eta beharren arabera margotu eta dekoratu daitezkeenak.
Altzarien eraberritzea eta zaharberritzea
Atzera bueltarik ez duen erabakia hartu baino lehen, ekarri gurera zalantza eta kezka iturri bihurtu den altzari hori. Hitz egiguzu zure gustuez, nahiez, beharrez, eta guk horretara moldatuko dugu. Parekorik ez duen pieza bihurtuko dugu.
Tailerrak
Astean pare bat orduz. Ez arduratu eskulanetan trebea ez bazara, edota margotzen ez dakizula uste baduzu. Ikasiko dituzu gauza berriak, baita pintzela txukunago erabiltzen ere agian, baina, batez ere, lagunarte atseginean emango duzu tarte bat, eguneroko kezka eta kontuak alde batera utzita.
Lagunartean arratsalde-pasa atsegin bat nahi? Ospakizun bat modu berezian ospatu nahi? Eskulanak eta gastronomia bikote eginda, formatu txiki eta trinkoko tailerrak antolatzen ditugu okasio berezi horietarako.
Decapé etxeko produktuen salmenta
Decapé etxeko margoak, argizaria eta patinak saltzen ditugu. Produktu hauek erabilita eta gure aholkuei jarraituta, animatu etxean bertan zeure altzariak eraberritzera.
Objektu bitxi eta berezien salmenta
“Kolore, kolore ta gustu guztiak… denontzat, denontzat ez dira berdinak…” dio abestiak, eta oso argi dugu hala dela. Gure ganbaran era guztietako objektuak aurkituko dituzu, batzuentzat itsusi mortalak, zaharrak eta modaz pasatakoak, beste batzuentzat, benetako altxorrak.
Bertako artisauak eta ekintzaileak ezagutzera eman
Bada jendea errealitate bihurtzen ari dena noizbait ametsa, erokeria edo pentsaezina zirudiena. Gogor lan egin dute eta gogor lan egiten jarraitzen dute, horregatik Kolore Ganbaran lekutxoa dute lan horren emaitzaren berri emateko.
